對於天然草地足球場陸續改成仿真草，本身是球證又是波友的張先生（圖）說：「我從十幾歲開始踢波，𠵱家成50歲啦，我差唔多個個禮拜都吹七、八場波，間中仲自己落場踢番吓……跑馬地𠵱家一大一細兩個場都換咗仿真草，幾受歡迎㗎！如果有天然草場踢，我哋班波友就最開心！」
張先生續說：「踢以前啲人造草，球員不時因為『跣』落地磨擦而灼傷，有時隻腳俾個草地啜住，人就照向前衝，我親眼見過好多波友踢到拗柴、斷腳，因為呢樣嘢而叫白車嘅佔咗五、六成，比踢斷腳、踢傷而叫白車嘅個案仲多，新嘅仿真草就好好多。」
據康文署資料，天然草的生長易受客觀因素如天氣、日照和降雨量等影響，使用後又有耗損，加上天氣影響租場，故現時每個天然草足球場每日平均只可以開放約3小時，但仿真草場每日平均可用時間卻多達13.5小時。
本報記者