中信集團旗下負責電訊業務嘅中信1616搞上市,公司背景係北京中信集團唔在講,而且公司入面原來亦有多名中港電信界猛人坐鎮:董事長石萃鳴系出郵電部,曾任中移動董事長及聯通副董事長;行政總裁阮紀堂喺香港電訊界打滾多年,先後曾出任香港電訊副行政總裁、電訊盈科副行政總裁、中信泰富副行政總裁等職位,江湖地位超晒班。聽講兩位事事親力親為,今次路演亦落手落腳做。
至於兩位獨立非執行董事楊賢足及劉立清,亦係內地郵電部退休高官。楊總喺80至88年出任郵電部副部長,00至03年出任聯通董事長兼總裁;劉總96至98年出任郵電部副部長,98至03年則出任國家郵政局局長。
至於1616個營運總監李賓,早年喺中國電信入面工作,其後與潤訊合作拓展中港電訊業務,最後仲加入潤訊做。咁即係點,唔睇僧面都睇佛面囉!
[email protected]