韓星金來沅同李準基前日不約而同飛去日本同fans見面，當然要睇吓邊個氣勢勁啲啦。金來沅抵東京成田機場時，過百影迷一早已經喺離境大堂等偶像出現，有心fans知道金來沅本月19日生日，仲準備咗氣球同禮物畀佢。至於基哥前日嘅目的地係大阪關西機場，論人氣好似唔及金來沅，影迷寥寥可數，但佢就好落力宣傳，一抵埗就上電視台接受訪問。