99年10月至06年1月，梁詠琪（GiGi）做了6年零3個月「好勝GiGi」，這是鄭伊健送給她的封號，如今情已逝，她不願再背負這個名字，她說：「我同佢一齊時唔介意去承受，係唔想佢尷尬，不過𠵱家我同佢分咗手，我覺得唔應該繼續承受呢種傷害。」在感情和事業都不知何處是岸，但勇敢和積極的她，同時又懂得逆來順受，大家可以放心。 撰文：張止寒、陳月媚
愛恨篇：31歲新開始
當年梁詠琪被揭發和鄭伊健拍拖後，「好勝GiGi」之名便跟隨着她，問她覺得自己是否真的好勝？她表示隨着6年情告一段落，她覺得有需要講清楚，因不想再背負這個稱號。
GiGi說：「呢個稱號嘅由來，係伊健接受雜誌訪問，當時我未同佢拍拖，人哋問佢點形容我嘅性格，佢話覺得我幾好勝，真係唔該晒。之後我同佢拍拖，我又覺得冇必要糾正啦，而且講嗰個係我男友，我唔想影響佢，惟有好輕鬆咁去承受，我份人都幾逆來順受。」
「我只係勇敢積極」
既然與伊健分了手，GiGi也不想繼續承受傷害，她說：「我同佢一齊時唔介意去承受，係唔想佢尷尬，佢亦有因呢件事同我講過sorry，不過𠵱家我同佢分咗手，我覺得唔應該繼續承受呢種傷害，我希望大家公平啲睇清楚呢個事實，我唔係好勝，我嘅性格係勇敢同埋積極。」
之前GiGi在內地參加新春晚會時仆倒一事，某程度上反映了她的性格，跌倒時，雖很痛，但她即時起身繼續唱繼續跳。人生路上，愛情路上，也是如此，她說：「我係以大局為重嘅人，呢個係即時反應，雖然我當時好驚，但係theshowmustgoon，我人生嘅theory，既然控制唔到人哋傷害自己，控制唔到人哋講乜，控制唔到狗仔隊偷影我，惟有樂觀面對，我會檢討自己，只要自己冇做錯就可以理直氣壯，唔係話我特別堅強。」
至於即將開拍、由黃真真執導的《女人本色》，GiGi飾演在家庭、事業和愛情上都面臨考驗的女人，她說：「個角色都同我相似，佢遇過幾段情，俾情人同埋同事出賣，家庭出現危機，又經歷經濟泡沫，佢冇自怨自艾，仍然可以企番起身，有信心去迎接任何挑戰。」
「後生時好得人驚」
GiGi即將滿31歲，不再是花樣年華，但她表示從沒有女人30歲出現的焦慮和抑鬱狀況，她說：「點解會抑鬱先？30歲就抑鬱，咁40、50歲點算呀？我覺得30歲嘅女人有經濟能力、有智慧、有經歷、有品味，反而後生時會好得人驚，着衫亂咁嚟，又唔知自己想要乜，有一打男人喺你面前都唔知想要邊個。𠵱家我30歲，我覺得要把握時機，對我嚟講係一個好開始，一定唔係黑暗嘅開始。」
舊愛伊健身邊已有固定羽毛球拍檔蒙嘉慧，儘管在此期間，GiGi身邊出現過法籍男友、翻版蜘蛛俠以及近日的四眼西裝男士，她謂該名四眼男是其表哥的朋友，二人只是朋友關係，但她承認只對法籍男友有好感，可惜這段情還是無疾而終，看來GiGi仍要繼續在愛路上拼搏。
攝影：陳偉權
場地提供：BubbaGump
服裝提供：PauleKa
化妝：JanetLi
髮型：Zir@O4
