三色台嘅當家花旦呢幾年嚟嚟去去都係嗰幾位，近年冒起嘅，要數「法拉利」同埋「索吻」，佢兩個都係選美出身，身材唔錯之餘面口又叫做新鮮，都幾多廣告商搵佢哋做嘢。
面和心不和
法拉利同索吻係同一個經理人，所以好知對方有啲乜嘢做，唔知女人係咪天生鍾意互相比較，佢哋周不時會爭嘢，雖然平時見到面都會係咁意打吓招呼，但心水清嘅人都知佢哋面和心不和，連公關都發現，為免出現尷尬情況，非必要都唔會搵佢哋一齊做嘢。
講知名度、講見報率，索吻之前都一直高過法拉利，但好多接觸過佢嘅人都覺得佢份人寸，就算有人投訴，佢都好少理，覺得咁樣先係我行我素，講到人緣同工作態度，法拉利就好好多，近期法拉利多咗好多嘢做搵唔少，都係多得索吻咁乞人憎。
Textby關仁