娛樂圈嘅男女關係，真係化學到你唔信。好似「彩衣」本來同過氣校園王子「揚武」拍拖，點知彩衣舊年去內地拍劇時，勁冧國產拍檔「神雀」，借啲意同揚武掟煲，搞到揚武日日借酒澆愁，後來彩衣知道神雀好花心，至食回頭草返揚武身邊。
早排彩衣唔喺香港，揚武夜蒲銅鑼灣鐵竇時撞到「甜甜」，甜甜嘅舊愛「KingKong」同「插水小姐」搞埋，然後飛甩咗佢，所以甜甜同揚武同病相憐，特別啱key。大家傾傾吓，飲飲吓，就咁撻着，飲多兩杯就又攬又錫，玩到半夜三更，然後一齊走。到底佢哋係基於報復心理，抑或係酒後亂性？關仁就真係𢱑頭嘞。
Textby關仁