美資投資行摩根士丹利噚日宣布，亞太區主席文禮信（圖）將喺今年4月4日，即係兒童節嗰日退休，雖然好多時佢都唔使出嚟，但華華仲記得，當年佢做怡和大班嗰陣同佢有一面之緣，係個典型英國紳士，聽聞當年佢同大老闆唔啱，請老細食魷魚。大摩就獨具慧眼，搵佢過嚟幫手，一做六年。
華華唔敢講呢幾年大摩亞洲區表現係咪同佢有關，但好記得佢每年聖誕節都會唱聖詩嘅溫情一面，選兒童節唔做又有冇特別意思呢？58歲嘅文禮信話今後去尋求新發展路向，包括商業同非商業方面。
另摩根士丹利會贊助倫敦大英博物館「秦始皇：中國兵馬俑」展覽，大摩中國區首席執行官孫瑋話，呢次展覽好多珍寶都係首次走出國門，係一次非同凡響嘅展覽。展覽喺倫敦舉行，展期由今年9月13號至08年4月6號。
[email protected]