去年曾住院50日、割除6磅重肝臟腫瘤的沈殿霞，前日由加拿大返港後，明顯瘦了一圈兼面黃黃的她昨早即往瑪麗醫院檢查。記者昨致電向港大醫學院內科學系副教授袁孟峰查詢，請教肝病患者面色泛黃的主因。
袁醫生說：「肝病病人面色帶黃有兩個主要原因，一係膽管塞咗，膽汁排唔到去十二指腸，黃膽水積聚喺身體裏面，就會令到面色變黃，小便亦有機會好似普洱茶嘅顏色；另外任何情況下塞咗膽管，例如有膽石塞住、膽管瘤、胰臟頭腫起或長時間發炎，因為胰臟頭同膽管好接近，都會出現面色帶黃嘅情況。」
袁醫生續說：「第二個原因係肝嘅問題，例如肝硬化，成因包括乙型、丙型肝炎或酒精，而有啲藥物都會影響肝臟細胞。」