組合at17前晚告別《勁歌金曲》主持一職，成員林二汶更眼泛淚光，她們表示因要專注音樂才離開《勁歌》。雖然天下無不散之筵席，但at17他日大有機會重臨舊地再唱歌呢！
二人女子組合at17前晚最後一次擔任《勁歌金曲》主持，臨別依依，林一峰到場跟她們jam歌，伯樂黃耀明則送上黃色哈哈笑圖案球、微笑藥膏和香手圈作禮物，at17更獲頒「勁歌金曲主持人畢業證書」。
專注音樂事業
at17前晚公布勁歌金榜更一度口窒窒，其間主持崔建邦感謝她們的加入，令他不再感寂寞，此言一出，即時令at17的林二汶眼泛淚光，她們事後接受訪問時說：「主持《勁歌》都有近一年時間，原本簽訂嘅合約只係半年，但後尾延長咗。今次唔做係想專注自己嘅音樂，唔排除再有合作機會。」二汶表示稍後會出書，盧凱彤則說：「我哋下星期三、四、五會舉行三晚音樂會，呢個禮拜忙於為音樂會綵排。」
至於新任的《勁歌》主持人誰屬？記者昨日致電《勁歌》監製潘裕佳，他說：「會係崔建邦同一個女歌手，但因為未落實，所以暫時唔可以透露。」
此外，方力申前晚演唱他的冠軍歌曲《大細心》，他說：「唱片有咁好成績，係同事好落力為我宣傳，入行咁耐都聽好多前輩講，每人喺唱片公司嘅際遇都唔同，自己都開始相信。」
採訪、攝影：卓寶花
