女人貪靚，男人一樣貪靚，不過為了扮靚而豪花$3,000多元買護膚品，就未必每位男士都捨得。近日有男網民因為臉上暗瘡為患，不惜一擲千金，在被稱為「屈人寺」的商店買齊面膜、護膚液、潔面乳、保濕和去暗瘡精華素，結果他被網民批評揮霍。
「啱啱喺屈人寺買咗$3,000幾蚊嘢，會唔會過份咗啲？」網民粉紅奶咀日前在香港討論區講述他豪買護膚品經歷，「我係男仔嚟，買咗啲護膚品，有面膜同潔面乳，會唔會怪咗啲呀？」對大部份男士來說，粉紅奶咀的花錢之道的確很另類，一般男孩子只願花錢買遊戲機或漫畫，網民leungzi1986便說：「我用30蚊買洗面奶都嫌貴！」
大部份網民都認為粉紅奶咀枉花金錢，ericgi便說：「男仔化妝？做歌星就話啫，其實都唔使咁誇張，買啲平平哋都得啦！」
「貪靚唔係女仔專利」
粉紅奶咀解釋：「我呢排唔知點解生咗好多暗瘡，可能前排蒲得勁，所以係咁生。」他又反駁：「我係一個超貪靚嘅男仔嚟，我覺得啲人眼光好怪，貪靚唔係女仔專利嚟㗎，男仔都會貪靚㗎，做咩用咁嘅眼光望住人喎，畀你揀男朋友都揀個白白淨淨㗎啦！」女為悅己者容，男性何嘗不是？
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]