瑞典名牌H&M空降中環，城中名太、名模及型人前晚慕名朝聖。身為ball后的薛芷倫（Fanny）穿上$599黑色MbyMadonna連身裙「紆尊降貴」赴會，她不諱言愛着平價衫，有尋寶的樂趣，Fanny笑說：「唔係餐餐都係食魚翅、鮑魚，食吓大牌檔都好有樂趣。」
瑞典時裝品牌H&M今日登陸香港，前晚於中環皇后大道中（即連卡佛舊址）的新店舉行派對，城中名媛薛芷倫、豹嫂WendyHotung、名模琦琦、周汶錡、貝安琪及型人代表如黃偉文、何超儀及徐濠縈等前來朝聖，成為今年首個城中時尚盛事。
揀衫如揀男人
一向有ball后美譽的薛芷倫（Fanny）姍姍來遲，與著名化妝師RickChin結伴而來的她穿上價值$599的MbyMadonna黑色連身裙前來捧場，她大方地說：「着平衫冇所謂，fashion最好玩嘅地方係可以mix&match，名牌無疑係質地同cutting好，不過平衫都似尋寶咁有樂趣，唔係餐餐都係食魚翅鮑魚，有時可以食吓大牌檔，都好有樂趣，呢啲係我嘅生活態度。」
Fanny續說：「以前做馬太時，我有時都會去女人街買衫，親切啲，啲人仲會畀折扣，平衫、貴衫我都買，買衫同揀男仔一樣，要啱同有feel先可以，𠵱家有約會，不過依然未有男朋友。」
「今次Zara大鑊」
此外，徐濠縈與好友Wyman主攻童裝，記者笑她瘋狂購物，不能洗脫其大使之惡名，阿徐說：「呢啲係出面啲人講，我唔係特別大使，好似今次我有75折，佢哋仲贊助成100件衫，大使係出面啲人講，我一向唔介意人哋咁講，連我老公都唔介意。其實我不嬲都有贊助，連Prada、MiuMiu同Loewe都有贊助我手袋。」問到對H&M的評價時，阿徐笑言：「今次Zara（另一平民西班牙時裝店）大鑊。」
採訪：JessicaNgan、GeneNg
攝影：RickyIp
