過去數十年漫天戰火，令無數柬埔寨人痛失家園和至親，在遍布地雷的柬埔寨，幾乎沒有人能享受天倫之樂，擁有一個完整的家，一直是當地人的心願，正如謝霆鋒一樣。早前霆鋒到柬埔寨拍攝無綫節目《向世界出發》，親身感受戰爭的傷害。
謝霆鋒早前應無綫全新一輯《向世界出發》邀請，到柬埔寨拍攝「愛．回家」單元，參觀了世界七大奇迹之一的吳哥窟，其後又走訪在戰爭中失去部份肢體人士聚居的殘障村，及親睹拆地雷過程等等，其間霆鋒更親自為貧民起屋，協助他們重建家園。
彈殼製造義肢
今次柬埔寨之行，眼見一個個柬埔寨人因戰火導致家破人亡，肢體殘缺，但在缺乏物資的情況下，竟要用奪走他們手腳的彈殼來製造義肢，感受良多的霆鋒不諱言感到十分諷刺和心痛，也令他對「家」有另一番體會。
生長在明星之家的霆鋒，坦言直到02年惹上官非（頂包案）入獄時，才首次感受到父母及家庭對自己無條件的愛，他說：「坐監嘅時候，見到嘅媽咪、爹哋係唔同晒，我見到真正心痛緊嘅一個媽咪，同埋一個識得手震、唔係好淡定着住皮褸挨住哈利嘅爹哋，因為我問心，我知道自己有冇做過，或者應唔應該得到一個咁樣嘅懲罰，每次爹哋媽咪探我，角色調換嘅，變咗我係演員，透過玻璃望住佢哋兩個時，反而我係做緊笑嗰個，但阿媽同我講：『你唔好扮笑啦！』嗰個時候我係最見到真正嘅爹哋媽咪，唔係大家會見到喺封面嘅謝賢同狄波拉。」
「名份係需要嘅」
跟所有柬埔寨人一樣，霆鋒一直渴望擁有自己的家，所以去年9月他不顧一切決定與張栢芝到菲律賓結婚，他說：「我幾嚮往嗰種返到屋企知道有人等緊我嘅感覺，我個人對愛情好冇安全感，我覺得名份係需要嘅，同埋我好希望有自己一個家。」
《向世界出發》謝霆鋒「愛．回家」單元下周二晚10:35pm無綫播出。
撰文：戴彩煥
