西甲皇家蘇斯達了無起色，來季睇嚟都要乙組再見。今輪秩序縱有主場之利，面對剛於上周喺主場大勝利雲特3:1嘅馬略卡，相信皇蘇又要失分。以兩軍近年聯賽對賽，少見和局呢個情況睇，今仗一於博皇蘇為搶分護級顧住攻，被馬略卡反擊得手，吼客隊贏波半冷戰果，可博馬略卡勝2:0。
貝廸斯近期有啲料到，新帥費南廸斯上任後，球隊長期保持不敗，但現時仍未完全逃離降班漩渦。今輪貝廸斯對手薩拉戈薩，近期表現略見飄忽，最近5場未嘗連勝連和或連負，上周就喺主場贏皇蘇3:2，照呢個走勢，今仗應出現和或負其中一瓣，即管試試熱門啲嘅1:1和果。
基達菲必碎「瓦」
維爾瓦呢支今季升班馬，睇唔出到呢個季尾時候，仍然保持到頑強走勢，最近3場又錄得不敗；但睇真啲，最近4場作客波，其實只有兩和兩負。今輪維爾瓦又係作客，主隊係啱啱喺同市打吡成功迫和皇馬嘅基達菲。雖然基達菲近況平平，但睇佢哋首循環贏咗皇馬後，再連贏3場，似乎喺皇馬身上取得甜頭，對佢哋嚟講好有刺激作用，今仗一於博基達菲贏2:1。
文：華度