因為欣賞張國榮而取名河國榮的GregoryCharlesRivers，將與泰籍女演員蘇芯寶（WannapatSuranant）合演百老匯歌舞劇《They'replayingoursong》，原著始於1979年，由20多位演員演出。今次河國榮與蘇芯寶包辦整個劇目演出，並邀得金培達編寫配樂，導演方家煌指兩人以歌舞編織出一個輕鬆愛情故事。
該劇本月16日起於灣仔藝術中心上演10場，方家煌說：「香港嘅年輕觀眾睇到英語舞台劇會卻步，所以我哋加中文字幕，易明又可以學英文。」
「預咗冇錢賺」
河國榮表示已經排練超過兩個月，在劇中又唱又跳的他說：「今次好辛苦，不過係個挑戰，我哋預咗冇錢賺。早前我仲自己畀錢，飛去洛杉磯學唱歌。拍劇同做舞台劇分別好大，TVB冇得綵排，冇得研究，做舞台劇可以畀我揣摩角色，我好享受。」河國榮與蘇芯寶在劇中不乏親熱戲份，又攬又抱，他說：「我哋點到即止，唔係好鹹濕。」
採訪、攝影：張俊銘