錢無人嫌多，網友andykom28就同人分享咗佢所知嘅13個催財方法，不論正財、偏財，兼收並蓄！其中一個簡易招財法係咁嘅：喺一張紅紙上寫上「聚寶盆」三個字，將紙張放在一個大碗中，再將碗擺在家中隱蔽角落；每日放工返到屋企，將身上零錢放入大碗，連續進行三個禮拜，然後將所有零錢攞到銀行換成紙幣，將紙幣隨身攜帶，即可財源滾滾！姑勿論呢個方法work唔work，假如每日儲到廿蚊，三個禮拜就有四百二，都算係一種儲蓄！不過提醒你，存入銀行嘅硬幣數量千祈咪過500個，否則要畀手續費，未招財先散財，咁就唔抵啦！
記者：小雲
網址：hk.buddheart.com/discuz/thread-1775-1-1.html