梁詠琪去年初與伊健的7年情告終，和法籍男友Sly的戀情又只是曇花一現，本報就GiGi今年的愛情運分別向三位在港甚有地位、近日卻是非纏身兼傳不和的堪輿學家查詢，蘇民峰、李丞責和麥玲玲均指她的桃花運強，不過對其戀情是否穩定的講法卻有出入。
蘇民峰
佢生肖屬龍，行緊紅鸞桃花，特別容易結識異性，仲好大機會發展，感情亦會穩定，但結婚就冇咁早。
李丞責
佢基本上今年係有紅鸞星命，桃花感情旺，但係唔會好穩定，今年有個月德星一齊，代表戀情會飄忽啲，容易有離離合合。而佢喺娛樂圈工作，如果拍結婚、愛情嘅電影或電視劇，會減低佢嘅感情運。
麥玲玲
佢行緊水運，桃花運由舊年年尾開始，到今年年尾，但感情生活會經常轉變，佢適合一啲唔同地方出世嘅異性，但係佢本命就較為容易惹上三角關係。
