陳茵媺早前被踢爆和方逸華親戚是世交，當她表態想拍劇後，即獲安排在慈善騷《博愛歡樂傳萬家》演出舞台劇，扮13點勁嗲無綫「親生仔」鄭嘉穎，角色突出，果然是朝中有人好辦事。
無綫《博愛歡樂傳萬家》今年會以一個大型舞台劇為主題，不少藝員、歌手都有份參與演出，昨日男主角鄭嘉穎、女主角徐子珊、陳茵媺、薛家燕、陳法拉和鍾鎮濤在電視城綵排。
角色突出搞笑
被踢爆與方逸華親戚是世交的陳茵媺，早前講過想拍劇學做戲，其後她即被安排演出《博愛歡樂傳萬家》的舞台劇。從沒演出經驗的陳茵媺，在劇中飾演一個性格「13點」的女子，對着鄭嘉穎又嗲又撒嬌，角色相當突出。
陳茵媺說：「我個角色都幾搞笑，完全同自己唔同，係一種挑戰，舞台劇啲聲同埋動作都要誇張，我自己返去有度點做，返到屋企都有搵人幫我排，叫其他朋友扮其他角色。」
至於鄭嘉穎則人紅是非多，最近又有報道指他喜愛買名貴手錶，實屬窮風流，他昨日說：「錶係一種投資，好似有人鍾意買樓，有人鍾意買股票，我一分一毫係自己賺，唔係問人借，呢啲報道我會笑一笑就算！」
買錶投資保值
嘉穎續說：「其實買錶係我一個興趣，買到個款、型號特別，或者一啲limitededition（限量版），過一段時間會升值，會賺錢，我都想買啲嘢保值，不過𠵱家我都係得幾隻，最貴嗰隻都係幾萬蚊，𠵱家都唔會放，因為每隻都係心頭好。」
採訪、攝影：楊潔雯
