唔知你有冇同感，左腳一踏進日本境內，右腳就想話咁快到酒店，放低行李出動食買玩，但坐N'EX機場快線往新宿需3,100日圓（約港幣$209）！不過由3月28日起在成田機場外國人旅行中心，就只需花3,500日圓（約港幣$235）買到1張N'EX特惠車票前往任何東京地區，和1張價值2,000日圓（包括500日圓保證金）無期限的Suica卡。足足慳咗成條紅衫魚之餘，在首都一帶貼上Suica標誌的地方消費，嘟一嘟就搞掂！
查詢：www.jreast.co.jp/suica-co
3月18日JR東日本全線禁煙
上次到輕井沢，回程時因在Outlet買到樂極忘形，誤了新幹線的班次，被迫排隊坐自由席，往東京的個多小時中，罰企不在話下，最難過是選錯了吸煙車卡，沿途如置身毒氣室，發誓，以後都要坐指定席。不過，原來JR東日本將於本月18日開始，全線車廂禁煙。係囉，咁至追得上潮流嘛！