佘詩曼同陳浩民（右）嘅關係一直撲朔迷離，去年底有傳阿佘難忍男方花弗，忍痛斬斷4年情。噚日阿佘接受商台電話訪問，講開同陳浩民嘅關係，佢用好朋友嚟形容，但一講到有傳佢哋夾過口供先宣布分手，阿佘就斬釘截鐵咁話：「我哋冇拍過拖喎，因為我真係冇睇過佢啲報道，下次我見到佢問吓，再話番畀你聽呀！」唔知呢招係咪四両撥千斤呢？