4月5至9日是復活節假期，又去邊度旅行好呢？今時今日唔興8天遊10國，最好有主題有體驗㖭，咁復活節去轉中東好？還是去今日至潮的韓國「美容」團好呢？
記者：廖秀娟
9天約旦以色列朝聖團（PMJC）
復活節去耶路撒冷的苦路、哭牆最應節，一年這個時候以色列最多遊客，淨看墟冚朝聖場面已值回票價。旅行團乘坐阿聯酋航空。
行程：約旦安曼、紅海、死海，以色列耶路撒冷的橄欖山、苦路、哭牆及伯利恆等，一次過去齊聖經中的聖地。
出發日期：4月1日（只辦一團）
團費：$14,698起
查詢：25418813（翠明假期）
8天伊朗探秘（SKK08L）
對聖地沒興趣，中東另一個地方適合愛探秘人士，伊朗從來不易前往，即使在復活假後，都要去呀！
行程：伊朗首都德黑蘭，伊斯法罕、設拉子、波斯波理斯等世界遺迹級歷史古城和多個博物館。
出發日期：4月16日
團費：$10,998起
查詢：28080833（勝景遊）
首爾5天美容團（KSDD05D）
最近人人知去韓國除了滑雪、浸溫泉，還可以整容；但整容咁大件事，都係諗清楚先好，美容就唔同呢，做多啲都唔怕。
行程：首爾做汗蒸幕、facial、腳部護理，仲教埋化妝，還有少不得的shopping和觀光。好處是提及的療程費用全包，缺點是要搭凌晨機。
出發日期：逢星期三、六
團費：$4,298起
查詢：35833008（特速旅遊）
浮羅交怡自然生態5天團（SLCX05EX）
嫌整容、美容太造作，崇尚大自然生活，可以到浮羅交怡，住森林酒店，背山面海；到紅樹林、自然海洋公園，過個自由自在假期啦！
行程：紅樹林自然生態區、蝙蝠洞、老鷹集中區。可自費到巴雅島國立海洋公園進行各項水上水中活動。乘坐國泰航機，全程住5星級度假酒店。
出發日期：4月5日（只辦一團）
團費：$6,699起
查詢：27222888（新華旅遊）