邱淑貞（豆斗）同沈嘉偉大前日喺曼谷機場帶大女沈月同細女沈婷婷返港，老婆負責辦登機手續，老公就孭背囊抱住細女，沈嘉偉身為係I.T.老細，所以兩個女嗰日都着住全身猿人Tee同鞋，型女得嚟又精靈活潑。上機前，沈嘉偉特登抱住細女去機場店舖買糖食，返到香港，天氣轉冷，豆斗就立刻喺行李摷番兩件小猿人外套畀兩個女着，真係全身襯到絕。