梁詠琪（GiGi）自去年初與鄭伊健分手後，男方即搭上羽毛球波友蒙嘉慧，向來戀愛大過天的GiGi也不輸蝕，與法籍男友Sly打得火熱，但近日她公開暗示戀情轉淡，更被拍得與一名西裝友新歡夜蒲中環。前日GiGi接受本報訪問時，直認已經再次甩拖，透露與Sly在文化上的溝通有困難，宣布愛情死亡，但回復單身後的她已迅速放開心胸，表示對任何追求者的約會隨時候命。
梁詠琪去年9月被拍得與法籍男友Sly遊日本時，在的士車廂內濕吻，為新戀情掀起火熱序幕。不過熱戀總是來得快也去得快，近日GiGi的戀情明顯降溫，同時又被踢爆與一名戴眼鏡的中年西裝友夜蒲中環，令情變消息傳得甚囂塵上。
文化差異
溝通方面好大問題
有傳GiGi其實已甩拖超過1個月，前日GiGi在山頂接受本報記者專訪時，終於直認與Sly已經分手，至於相約夜蒲的西裝友則屬追求者，她說：「中國人同外國人兩地文化唔同，喺溝通方面出現好大問題，我同Sly都覺得大家做朋友會更加適合，好難有再進一步嘅發展。我𠵱家回復單身，會接受其他人追求，唔介意同唔同男士出嚟約會。」
不過GiGi否認與西裝友正在拍拖，她說：「現階段我冇固定男朋友，佢係我其中一個約會嘅朋友，將來有冇機會發展睇緣份，自己單身多啲選擇權，但都要多啲了解同認識，睇吓有冇機會搵到啱自己嘅對象。」
GiGi去年1月與舊愛鄭伊健的7年情玩完後，曾先後與世界自然基金會的環保幹事Andy、「老翻蜘蛛仔」外籍男伴及法國情聖Sly扯上關係，但每一段均為霧水情緣，反觀其舊愛伊健與蒙嘉慧的感情卻穩定發展。
自覺釋懷
嘥咗好多時間療傷
本月底便踏入31歲的GiGi目前感情空白，有指她其實一直情傷未愈，所以男伴多多，對此GiGi說：「我都嘥咗好多時間嚟療傷，𠵱家總算開始釋懷，呢一年會畀多啲心機做嘢。」
GiGi黯然訴情變，另一邊廂鄭伊健前晚在君悅酒店出席BMA娛樂公司春茗時，則被司儀林曉峰取笑「蒙麵戀」，林曉峰在台上說：「伊健做埋羽毛球代表，點解佢唔帶羽毛球拍嚟呢？」對於有報道指其女友蒙嘉慧被風水師批今年有機會懷孕，伊健說：「嗰啲風水師睇吓自己先啦，否則做嚟做去都係風水師。」問他有否做足預防措施，伊健只答：「OK㗎。」
採訪：陳月媚、王連連
攝影：陳慧安、陳偉權
