黎姿、蔡少芬（Ada）和邵美琪等昨日在將軍澳電視廣播城出席80集長劇《珠光寶氣》的拜神活動。Ada和邵美琪均穿戲服，惟獨黎姿出動私伙羽絨外套和長靴搶鏡。
每逢有女演員群戲多的劇集開拍，例必有不和傳聞，早前便有雜誌指黎姿在拍劇期間經常補妝，令同劇的蔡少芬黑面苦等。昨日三位女主角見大批記者在場竟然扮不和，陰招盡出，起腳、拉手拉腳兼互相單打。
「玩大佢囉」
黎姿表示拍劇期間奉旨姿整，不怕得罪同劇演員，她說：「呢套係全港第一套高清製作劇集，監製都叫我哋睇番片，睇吓自己個妝，呢啲係做演員基本要做嘅嘢，我承認自己不嬲都姿整。」
Ada則謂與黎姿協定繼續扮不和，她說：「之前有雜誌寫我俾監製鬧啦，我一笑置之，橫掂都俾人寫不和，不如玩大佢囉！」此外，陳豪談到有指陳法拉電暈一班小生，他亦是其中之一，陳豪說：「我哋喺劇集《溏心風暴》合作，大家好似兄妹咁，我有金剛不壞之身，阿彌陀佛。」
採訪：卓美娟
攝影：陳順禎
