王家衞（圖）嘅澤東公司下個月中會喺台灣開拍一部由關錦鵬監製嘅《渺渺》，演員暫定有范植偉，女主角仲物色緊，故事係講述兩個高中女生發展出曖昧情感，其中一名女生又愛上一個成日喺桌球室嘅年輕人，部戲對年輕人心態有好深入嘅描寫，原本導演係揀咗朱家麟，但因佢涉嫌吸毒，澤東決定同佢取消合作協議，𠵱家就改由王嬿妮做導演。