家中最近添了一個重要新成員，它帶給全家無限歡樂，不但解決困擾我多時的婆媳關係，更令我同兩個仔女溝通多了，關係密切非常，最重要係冧到我老婆開開心心，令我感到男人40其實都唔難做！咁幫得手嘅新成員係邊位？咪就係07年全新日產Serena囉！
記者：陸伊琳 攝影：楊錦文
雪櫃擺得落 搬屋不求人
3月1日多雲
之前話將架5座位錢七Trade咗去，換部大啲嘅7人車，但老婆算住算住，又話7人車食油，而且要車廂寬敞嘅大車，車價起碼去到30萬！誰知剛巧日產推出07年全新嘅日產Serena，車身內外都比上一代更寬闊豪華，2,000c.c.又唔太食油，官方資料話油費每公里1元有找，仲平過我以前架細車！而且買嗰時車價只是23萬多，月供都是4千幾，供得起又養得起！
早排終於說服了老婆買車，今日第一日用車，已用盡佢嚟搬屋；先摺起晒中後排座椅，騰出超大的空間，枱、椅、箱……就連雙門雪櫃都塞得落！搬屋不求人，自己動手一車搬晒，計落慳番唔少搬運費，老婆讚口不絕。同事達基仲話家陣食正環保汽油私家車稅務寬減計劃，車價再平多2萬，佢都心思思想出車！
親子、婆媳問題NoMore！
3月2日晴天
有咗架Serena，我就好似做咗廿四孝老竇咁，仔女車出車入一手包辦，我當然樂意到極，起碼可以增加不少親子時間嘛。今日我便一次過載兩個細路返學，大仔康康好鬼馬地話：「呢架係全世界最舒服嘅保母車，座位好闊，有很多伸腳位，我一定可以快高長大！」真係俾佢激死。佢哋好識歎，去邊都話要我開車，就連去隔籬街麥記都話要坐車。
換咗架大車，我阿媽王老太都讚坐得舒服，雖然架車大，但地台不高，加上有雙電趟門，老人家上落非常方便。下午，我老婆亦想過下手癮，主動提議車奶奶去做健康檢查，佢兩婆媳一向都好Cool，今日絕對係好的開始！
驚喜藏暗格 浪漫滿車
3月3日下雨
邊個話老夫老妻唔使玩Surprise，既然老婆讓一大步畀我換車，今日係佢生日，節目當然早早安排好，地點就係喺呢架新車度，呢個驚喜包保佢估唔到！其實架車嘅車尾有個儲物箱隱藏在地台下，我同班仔女夾好晒，將蛋糕、花、禮物放落去，然後搵個無聊藉口叫佢去打開，嘩！老婆打開時，不知幾感動，我哋一家四口仲喺車廂裏面唱生日歌兼切蛋糕，幾咁溫馨，囡囡依琳仲扭計話下次要到佢喺車廂度開生日會！食完蛋糕後我把車後面的座位全平放，我同老婆好舒服躺下傾偈，「老婆，生日快樂！」
全車塞滿8人合家歡去郊遊
3月4日晴天
家庭活動，加埋阿妹、妹夫同姪女一行8人去大拗門野餐，點計都係要我架Serena出動，我架車可以坐8個人，唔使出動兩架車，慳番油錢。雖然坐滿了人，尾廂又載滿嘢，但上山落斜都表現有力，一畀油就去，反應相當不錯，避震表現令乘客感到舒服。買咗Serena我好似變咗御用司機，「主人、少主，你哋幾時用車？」全家都愛上呢架新寵，搞到我分身乏術！
抵讚：新一代Serena空間感強烈，車廂較從前寬敞舒適及豪華，計埋扣稅車價貼近二十萬，夠實惠。
要彈：車的HandBrake採用腳踏式的，有點不習慣。
日產Serena
引擎：1,997c.c.直列4汽缸
16氣閥CVTC
馬力：137ps/5,200rpm
扭力：20.4kg-m/4,400rpm
傳動：XTRONICCVT電子智能無段變速波箱
原價：$238,800
扣稅後售價：$218,800
查詢：22621088（合誠汽車）