中環在線:美國運通三八敬女同事 - 李華華

中環在線:美國運通三八敬女同事 - 李華華

今日係三八婦女節,深受西方文化薰陶嘅美資行美國運通,喺呢啲女權高漲嘅日子,當然特別細心識做,佢哋就專誠預備咗500幾支唔同顏色嘅玫瑰花,喺今日向各單位女同事致敬。
美國運通早前喺內部搞咗個簡名為「WIN」嘅「女性僱員關懷網絡」,1、2月期間先後舉辦過瑜伽班同埋肚皮舞班,反應都好熱烈,呢個月22號,WIN又會向僱員獻新猷,舉辦一個名為「女人多面體」座談會,請咗商政界女強人周梁淑怡做嘉賓,另一主講者係由相夫教子嘅賢妻良母,成功轉型為電台主播兼作家嘅前港姐謝寧,兩位名女人,將會同運通員工,分享吓現代職業女性點樣過一個平衡事業、家庭嘅健康生活,而男同事都歡迎報名參加。
[email protected]