趙薇近日俾人影到佢喺北京嘅卡拉OK自己一個食飯，唔知係咪啲餐廳訂唔到位呢！另外，早前傳出佢同中國乒乓好手王勵勤嘅緋聞，不過噚日據新浪網轉載時代商報嘅報道，趙薇嘅情人節居然唔係同王勵勤一齊過，反而係約埋王菲同李亞鵬兩公婆食飯，近排佢不時相約王菲一齊去趙文卓前女友小連開設嘅瑜伽館練瑜伽，又不時同李亞鵬嘅哥哥李亞偉見面，睇嚟佢哋大有機會合作噃！