阿仙奴、利物浦、AC米蘭，仲有英格蘭、阿根廷？搞乜呀，係踢歐冠盃定係世界盃？其實通通唔係，事關旺角有上樓舖，將一向鐵價不二嘅正版球衣激減到五折起。可以咁平支持自己心愛球會，梗係約埋成班波友每人一件，各自穿上至愛戰衣，預備落場決戰。
記者︰陸俊雄
攝影︰陳盛臣、何家亮
Model︰Lo
各國球衣任揀
$399一件英格蘭波衫，仲要燙埋字？冇呃大家，燙嘅仲要係原廠正字，數字上有英格蘭徽章。聽老闆講，好多球迷自麥卡倫將碧咸拒諸門外後，爭相印佢套字留為紀念，所以碧咸套字𠵱家只剩5套咋！除咗英格蘭，仲有其他國家隊嘅練習球衣全由六折起。
西班牙國家隊練習球衣，見慣西班牙用紅色，呢件深藍色都幾好睇。
原價$320
六折$192
英格蘭國家隊球衣係香港球迷最愛，今次連燙字竟賣四百有找！
衫連燙字
原價$719
五五折$399
德國球衣一向唔係白就係綠，上年忽然變紅，連練習球衣都令人驚喜。
原價$320
六折$192
用得淺藍色，除咗阿根廷都唔會係其他，美斯、列基美fans一定唔會放過呢件練習球衣。
原價$320
六折$192
一認隻公雞就知係法國隊，法國fans買件練習球衣練多幾次12碼罷喇！
原價$320
六折$192
六折搶英超班霸
香港人最buy英超，如果你係利物浦、車仔嘅球迷更加要注意，事關呢兩隊班霸波衫都做六折。點解冇曼聯？佢都已經九成係英超冠軍，支持其他隊好過喇！
利物浦上季作客球衣，我就鍾意沙比多過謝拉特。
原價$499
六折$299
車路士前季作客球衣，唔使諗當然係印林柏特。
原價$539
六折$323
曼城上季球衣，印阿老孫大名定J.巴頓好呢？
原價$439
六折$263
愛華頓上季主場球衣，印朗尼個名上去都幾過癮。
原價$439
六折$263
意甲︰最懷念祖記
雖然今季國米玩晒，但唔少意甲球迷話，最懷念有祖雲達斯嘅日子，相信以佢哋嘅成績，下季重返甲組不成問題，所以最好買定祖記波衫，等斑馬兵團光榮回歸。
祖雲達斯前季黑白主場球衣，相信有唔少fans會入貨支持。
原價$499
六折$299
喜歡意大利嘅，大都鍾意悲劇英雄巴治奧，佢效力國米時候嘅tee最令人懷念。
原價$248
半價$124
AC米蘭上季作客球衣，唔知老馬同卡富仲想踢到幾時呢？
原價$420
六折$252
燙字收費知清楚
今次介紹嘅352大本營除咗英格蘭$399包字外，其他一樣要收費。
收費表
英超字：
字母：每個$18
數字：每個$65
其他聯賽或國家隊：
單一數字（如1至9號）+球員名：約$220
兩個數字（如10至99號）+球員名：約$260
開倉資料︰
352大本營（27707352）
地址︰旺角西洋菜南街38-40號萬高商業大廈9樓
日期︰即日至3月14日
時間︰1:00pm-9:00pm