華叔asaseniorcitizen，佢講嘢大家真係要聽，噚日白鴿黨搵咗廿幾個新丁出嚟見記者，呢班友遲啲可能參選區議會或立法會，黨鞭華叔到場訓話。華叔好坦白講，揀得行政治就唔可以行差踏錯，有心從政，一定要戒蒲，唔可以成日去唱K或者落吧。
華叔至今獨身，咁多年嚟同緋聞絕緣，唔使講齋企出嚟就係身教，不過佢怕班友唔明，講多句話甘於生活淡泊，先至可以追求到真正理想。華叔叫人戒蒲，唔知係咪怕再發生何偉途事件。前主席馬丁就話入白鴿黨，一定要抵得冷唔怕凍，否則北風（即係北大人嘅口風）一吹就瞓低，就無鬼用啦。