女人玩機:不再Concept<br>真正切合女性的家電

女人玩機:不再Concept
真正切合女性的家電

大頭蝦是職業女性的天性,工作咁辛苦,返到屋企就要放鬆一下,不過香港電器店所賣的所謂家庭電器,根本唔會照顧女性的需要,你看外國的家庭電器,每個細節都由人出發,專為大頭蝦的職業女性設計,今次講的家電和電腦報刊書籍所介紹的不同,全部都是有得賣,不是甚麼Concept電器,好睇唔好用,有錢買不到。

自動伸腳熨斗

我最讚賞是OLISO自動腳電熨斗,放鬆熨斗手柄,熱板下會有小腳自動伸出來企起,以後唔記得架起個熨斗都唔驚熨燶衫,而且唔使架起熨斗,咁就唔會咁易辣到自己手臂一條條痕。( http://www.oliso.com)

約$1,036

7磅吸水機

「倒瀉嘢」亦都係女性在家中常遇到的事,要抹一地水,好煩喎,而一般吸水吸塵機只有商業用,GOCLEAN吸水吸塵機可以吸埋水,最重要係家庭機得7磅,配件又可以收藏在機後面,不怕用一兩年就唔見晒,方便收藏。( http://www.gocleanvacs.com)

約$400

電腦助種香草

很多女同事都愛自己在家中種香草,用作做沙律或煮西餐,可惜她們經常不記得淋水施肥曬太陽,Mysecretpantry的aerogarden可讓香草種在屋企內,更會自動淋水和自動施肥,據知,這種電腦控制的種植會比一般土壤種快5倍,連番茄都種得喎。( http://www.mysecretpantry.com)

約$1,200

磁力香料罐

有香草,自然要個香料罐,Zevro的香料罐就至正啦,成個磁石咁黐在牆上,唔怕亂放搵唔到,攞又方便,放都好方便,( http://www.zevro.com)仲有……(編者下刪5件產品介紹)

文:林愛雯

約$120(8個)

Bytheway

家庭用品,男士有責,所以不論費用和行動,男士一定要負責……不過你都不用一次過介紹咁多呀,所以我下刪5個產品。同樣好彩,這些家庭電器在香港沒有代理,要網上購物,送貨又煩,付款又煩,我們在eBay購物都煩,何況是女人,呼……好彩。買到回香港的話,我哋做男人嘅一定負責,仲日日做、晚晚做㖭。

文:伍旋卓