我諗唔使多講，係人都知道MINICooper係城中潮人至愛嘅車款，睇吓好似鄧健泓同萬綺雯等一眾明星都係MINICooper嘅車主，就知道佢有幾Hit；之但係，我諗佢跟住落嚟會仲Hit喎！點解？咪就係因為佢可以享用減免首次登記稅30%嘅優惠囉！
雖然今次獲得稅務優惠嘅MINICooper，只係配用1.6公升引擎嘅手波型號，但勝在有氣又夠力，單係馬力輸出已達120hp/6,000rpm，加上高達160Nm/4,250rpm嘅扭力，喺6前速手動波箱嘅相互配合下，起步加速表現爽快直接，啱晒嗰啲喜愛追求速度感嘅車迷；至於平均耗油量亦僅為5.8L/100km，若以$12.98嘅油價計算，平均每公里油費約為$0.75而已。此外，新一代型號嘅外觀及車廂陳設，都經過廠方精心改良，以求令一班Fans對佢更加死心塌地！
查詢：MINIHK（31299020）
記者：鄭達基