恒生銀行大班柯清輝，舊年嘅董事酬金有1052萬，比05年多咗兩倍幾，究竟發生咗咩事？恒生06年年報披露，05年時柯大俠只係喺恒生做咗半年，因此董事酬金只有346萬，但一年之後，就暴升至1052萬，難怪叫人眼紅。原來佢嘅基本薪酬都係大約600萬，但舊年就派咗364萬花紅畀佢，加埋其他董事袍金同退休金供款等，夾夾埋埋咪有過千萬囉！
柯大班好謙咁話，佢嘅底薪增幅只有單位數字，花紅嘅多少係同業績掛鈎；咁即係話，董事會都滿意佢嘅表現啦！恒生之前嘅大班鄭海泉，04年都試過攞成1200萬元年薪，因此，柯大俠並非恒生第一位「千萬大班」。
[email protected]