遇到車禍的一對夫婦鶼鰈情深，丈夫為救嚴重弱視的妻子，不惜以身體護妻及拉開她，自己卻閃避不及受重創，其妻事後懊悔不已，並不斷自責。
「我當時企喺老公左邊，右手拖住佢隻左手，兩個人喺路中心等過對面馬路，突然感到一陣風吹過嚟，跟住老公大叫：『哎吔！呢次死啦！』跟住兩個人俾車撞倒嘞！」傷勢較輕的女事主，事後在醫院憶述經過時哭個不停：「我俾架車撞倒跌喺地下唔知點算，仲好驚」。由於她視力有限，幾乎看不到周圍環境，不知丈夫身在何處。
「係我叫佢行呢條路」
她於是大叫：「救命啊！老公你喺邊啊？跟住聽到老公叫我，我摸到佢身邊，佢仲執住我隻手。」女事主被丈夫救回一命，但她對意外感到內疚不已：「係我叫佢行呢條路去醫院近啲，今次係第二次行，都係我唔好啦，係我累咗佢。」
本報記者