打工仔都怕俾人炒魷，但車路士領隊摩連奴就聲大大咁話：「炒我？哼，我咪即刻變百萬富翁咯！」摩帥講明如果球會係因成績差而炒佢，亦會欣然接受，但最寸都係夠膽同人講，一旦球會炒佢，賠番畀佢嘅錢足夠令佢成為百萬富翁（求按：千萬富翁至真），而且幾個月之後又會搵到新東家云云。究竟摩帥係咪想講畀班主阿巴聽呢？