任達華、劉心悠和蔡一智等前晚到太古城中心出席攝影師Sunny舉行的寵物照片攝影展覽，華仔表示有養寵物經驗，他說：「之前養咗隻大狼狗，都養咗成10幾年，不過後尾結婚生小朋友就唔方便養，費事影響個女，𠵱家個女好鍾意狗，特別係金毛尋回犬，遲啲都會買隻狗送畀佢，不過等佢大啲先，但太太就怕狗，所以唔知點抉擇。」
草蜢月中出碟
劉心悠日前參加馬拉松比賽，對於今年有6,000名選手感到不適，她說：「我有聽到，但我覺得西隧嘅通風系統冇乜問題，反而係上斜辛苦啲。」另外，蔡一智透露草蜢會在月中推出新碟，今次更會連同演唱會的DVD及CD一併推出，他笑言完全大件夾抵食。
採訪：王連連
攝影：陳順禎