咩叫老有所為？睇下托廸位50歲外母丹妮拉就知啦！呢位有個球星女婿、名模女兒嘅老人家，一啲都無話要享福歎世界，上月底正式被委任為羅馬市交通指揮員；聽講當日佢怕傳媒高調報道，唔畀屋企人參加就職典禮。其實丹妮拉好鍾意呢份工，10年前已經開始申請，唔怪得近日喺佢指手畫腳之下，羅馬市個交通狀況寧舍暢順啦！