大英博物館與故宮博物館合作的世界級展覽，牽涉保費數以千萬元計。世運保險顧問主席羅少雄指出，「今次保安同運輸一定係A級，風險評估相對已經減到最低，保費唔會係天文數字，不過千幾二千萬（港元）實走唔甩。」
天價展品難衡量
羅少雄解釋，保費一般按照客戶願意承受的風險作計算，「最慘係件件展品都係天價，好難衡量。每件展品都要詳細睇，例如瓷器，整花咗可能唔使賠，要爛到某個程度先有得賠。」本港的國際級展覽保費最高近二千萬港元，估計與上述展覽的保費相若。香港近年不時舉辦國際級藝術展覽，包括去年的「巴黎龐比度中心珍藏展」，涉及畢加索等名家的58件作品，運輸及保險的費用共逾1,100萬港元。