上星期喺九龍灣Showroom搞咗個預展，兼且大收旺場嘅新款NissanSerena，原來亦有響環保署公布嘅「環保汽油私家車」名單中出現，可以享用減免30%首次登記稅嘅優惠。唔講唔知，原來廠方為佢安排嘅一台2.0公升引擎，在CVTC技術及XtronicCVT無段變速自動波箱相互配搭下，若以日本10．15模式進行測試，平均每公升汽油可行多達13.2公里，如果以本港油價每公升$12.98計算，即每公里油費大約$0.98，比傳統MPV約$1.2至$1.5嘅油費平出一截。
另外，新款Serena嘅最大賣點，是全新設計嘅造型，而車廂鋪排更可有多達11種變化，合共可接載達8名乘客之餘，空間之大更可充當貨車，用嚟搬屋搬貨都無問題。另外，左右雙電趟門及低地台配搭，亦方便乘客上落車呢！
查詢：合誠汽車牌（28035333）
記者：鄭達基