愛華頓上周六英超作客錫菲聯，靠對手門將巴廸堅尼出迎撲空，及後拉跌安祖莊臣獲得12碼，由阿廸達追成1:1，算係執番身彩！點知，半場傷出嘅中場重心卡希爾，賽後證實提早收「咧」，唔知領隊莫耶斯會唔會「馬後炮」諗番，寧願唔要1分都保住卡希爾呢？雖然「拖肥糖」今季打起咗阿廸達，但獨力難支，求大俠都唔敢睇好佢哋喇！