英超榜尾球會韋斯咸「釘蓋」聽降班之際，班球員好快就會跳船逃生。相對好似安頓費廸南、泰維斯、保耶等無乜職業道德嘅後輩，前曼聯老將舒寧咸反而唔怕搵唔到班落，噚日就有消息指佢可能加盟澳洲球隊FC悉尼。據講，下個月就41歲嘅舒寧咸仲同曾效力FC悉尼、現效力新特蘭嘅約基傾過，聽講好大機會去澳洲見識一下。