廣告寫埋價錢都算開創先河，至少LV唔會於廣告中寫到明麥當娜手中的手袋價錢，不過最近經過中環地鐵站，就見到圍板一系列H&M的麥當娜廣告，寫明價錢，幾百蚊有一件，無他，主要因為H&M擺明Sell價錢大眾化，將於本周六（3月10日）中環連卡佛舊址開舖，首度於亞洲地區插旗，成功與否還言之過早，不過氣勢同排場就必定贏晒。
記者：胡卓琳 攝影：伍慶泉
Model：AlineT@CalCarrie's
MakeUp&Hair：AngelWong
本周六開業！
到過歐洲的朋友都一定會見過H&M的蹤影，分店數目多得如便利店，自1947年瑞典開店以來，H&M分店遍布全球24個國家，超過1,300間店。由於其貨品種類包羅萬有，分別有男、女、童裝、飾物、手袋，甚至化妝品，一應俱全，而且款式設計時尚，因此深受大眾歡迎。3月10日正式開業的這間香港H&M，將是全亞洲首間分店，選址中環舊連卡佛，全店4層，佔地超過3,500平方米。雖然是次首拓亞洲市場，不過以香港人對外地流行文化的認知，晨早聞風經已瘋狂，睇怕開幕當日又必成各Fans們排隊的日子。今日我哋為大家揀定掃貨目標先!
娜姐操刀！
MbyMadonna全球首發行
娜姐的威力單從上回亞洲巡迴演唱，各明星Fans都爭住撲飛去東京睇就知佢有幾厲害，今次H&M亞洲首間分店開幕就借娜姐的名氣，幫手再谷一谷本身經已超強的H&M風，在香港分店開幕當日將全球首度發行娜姐有份參與的MbyMadonna系列，系列中當然唔少得娜姐至愛的AllBlack及AllWhite服飾，一系列服飾都充份表現了Madonna那份時尚與高貴的味道，PrintAd由娜姐親自操刀做埋Model力Sell，淨係睇廣告都夠晒吸引，幾百蚊就可以買起娜姐時裝，都咪話唔興奮。
全新有機全棉系列
今季全新的有機全棉系列OrganicCotton，Sell的顧名思義就係全棉，H&M首席設計師MargaretavandenBosch就話推出OrganicCotton系列係希望令顧客意識到好的服飾應是外在美等同內在舒適，簡單講即係又睇得又着得。OrganicCotton以簡單設計為主，極之配合H&M的風格，系列今季主打娃娃裝，最適合配襯窄腳褲，簡單易襯。
名人Fans心聲
Eunis：「每星期會去一次。」
名模Eunis（陳嘉容）話到H&M買衫最開心的是價錢合理，就算買好多都唔會肉痛，仲可以每季轉款，以往每次到歐洲公幹時都必定會去H&M掃貨，「我試過一次過拎三十幾個Items入試身室試衫，但售貨員話每次最多試6件，所以我要分6次入試身室，不過最後都買到幾袋H&M心頭好走，真係好開心。」香港開舖對Eunis來講絕對係好消息，Eunis仲話打算每星期去掃貨一次。
Nelson：「以後最怕撞衫。」
最喜歡H&M合理價錢的Nelson，每次到歐洲都必會到H&M逛一逛，加上自前年與各大師級設計師合作之後，尤其多人留意，而今季與麥當娜合作都不失為一個新嘗試。「以其超抵價錢可以買到質料一流的Basic款襯衣，無疑係相當吸引，不過登陸香港後，我反而擔心會容易同人撞衫。」
期待之Crossover
H&M之所以如此令人期待，當然係因為佢出名平靚正啦，但也更因為H&M自從2004年開始，與名設計師推出Crossover作，平價買到名牌貨，大家點會唔搶住要!好似05年與StellaMcCartney合作之後，令其品牌名稱紅上加紅，去年更與人氣品牌Viktor&Rolf搞Crossover，推Viktor&RolfforH&M，不少是Basic易着衫款，一件Tee原價百幾、二百蚊港元，可以炒至$500-$700，令一眾名人型人普通人都尖叫!
復古味濃
今季H&M的春夏季系列，設計概念來自50-70年代的懷舊服飾，一系列充滿民族色彩兼花碌碌的One-piece裙，配合不同類型的幾何圖案Pattern，簡單得來又唔會太沉悶，最適合波希米亞的嬉皮一族。
H&M（21109546）
中環皇后大道中68號地下