貴為不少名人明星髮型師嘅「金羅賓」，其實已經好有江湖地位，睇吓小眼睛歌手都對佢不離不棄就知，不過探子回報「金羅賓」不時極力爭取參與城中盛事，甚至不時講大話，吹噓同恐嚇「軟硬兼施」。
繼早前意大利女設計師夜宴「金羅賓」要爭坐headtable之後，有次佢為見英國型男，向品牌公關勁作大務求要出席城中晚宴。佢一時話品牌嘅CEO太太不時搵佢整頭髮，人哋太太仲成日送恤衫慰勞佢，但其實根本就唔識金先生，衫鈕都冇粒送過畀佢，「金羅賓」仲同公關人士講如果唔邀請佢出席，會投訴人哋，最終人哋買佢怕，半推半就之下咪預埋佢食飯。
撰文：阿蘇
本欄逢周一至六刊出