很多公司也有海外分公司，IDD費認真和味，為了節省開支，我公司早前在芸芸寬頻電話中揀了3HK視像電話，貪它是大公司，而且月費平，更有公司客戶最愛的視像系統，這種視像寬頻電話好處是提供一個香港電話號碼，雖然身處海外，只要有寬頻就等於香港電話號碼一樣，通話不用IDD那樣逐分鐘計。
公司特派員在外國試驗首次Connect打回香港成功，真開心。可惜，不到半年，問題便相繼出現，電話經常無Signal，Boot機又再Re-boot，最慘是要用IDD打回香港的客戶熱線，問了半天無一個人可以答你。
最後，老闆說不如取回香港維修，但電訊公司說一定要去大圍才有維修中心，好，首先坐飛機帶電話回香港，千辛萬苦抬着電話去火炭工業村某個狗不拉屎鳥不生蛋的地方維修，之後修理好，再運回外國辦公室……但視像通話畫面又再打晒格仔，要像砌圖一樣用像想力才可拼回；打語音又像阿爺年代長途電話，回音勁到好似多咗幾個你，再問客戶熱線，他們還說是你的寬頻有問題，有冇搞錯，惟有放棄。唉，都是用Email算罷，咁你就明白點解Blackberry會咁成功，兩個字：「可靠。」
文：林愛雯
Bytheway
想不到3G無線傳送技術竟比有線傳送更完善，我認為最可惡是電話商的售後維修服務，你看維修電話中心，單是等檢查電話已要一個小時，CS望兩望：「你有冇跌過呀？」不夠半年就壞掉，你仲賴我？太過份，我當年用A925，新機出了不足一個月，足足換了5次新機，次次都和CS嘈到坼天，不但電話，連軟件公司也一樣。微軟送來Vista電腦作測試，開機3分鐘就Hang機，自動Safemode再死。同事致電給有關方面將實情告知，他們第一句：「你搞過乜呀？」
「我都話乜都冇搞過……」
「冇理由，Reboot喇。」
「都話Hang晒機。」
「你哋搞過乜嘢？」
「……」我死都唔會幫襯微軟。
文：伍旋卓
