葡萄牙國家隊嘅巴西籍教練史高拉利，日前話喺歐洲玩多3年後，會再度執教巴西國家隊。求大俠覺得佢雖然兩次帶領葡萄牙擊敗巴西，不過都唔使咁睇低現時巴西教練鄧加啩！講真，巴西國家隊已經好咗好多，好似之前成日搵亞洲或3、4線隊打熱身賽，𠵱家就搵番似樣啲嘅球隊切磋，好似今個月會同加納、智利友賽，咁落去森巴足球實好快重振雄風。