車路士歐聯對波圖，睇牌面點都係高少少！缺少泰利助陣嘅主隊，想信對發揮影響不大，主勝應該無問題。
車仔呢場波，想信9成9朋友都支持主隊，點解咁團結？第1：車仔主場有保證，第2：論球員質素及近況，似乎車仔佔優，第3：雖然無泰利，不過，球隊陣容依然完整，第4：車仔唔急波圖急，已擁有一個作客入球嘅車仔，0:0就可以出線，可以話睇住踢，我深信車仔會上半場死守，睇清睇楚之後，先至出招鎖定勝局！半和全贏下，開出1:0、2:0「細」波膽，而我亦會重注主勝！
今晚另外3場歐聯，反而我認為風險較大，特別係利物浦同華倫西亞，佢哋唔使贏，只要同對手打成平手，出現0:0、1:1嘅賽果都無問題！所以，我會放棄主客和，估呢兩場波都係入球細！
至於聽晚，拜仁大戰皇馬，拜仁上周末贏哈化以振軍心，而皇馬於周日亦明顯留力，我估呢場波應該係本周最精采嘅歐聯賽事，邊隊贏好難估，但係入球數量，我估一定「大」。
周鵬
商業1台《球迷集中贏》主持
電郵：[email protected]