不愧係豪門球隊，意乙榜首嘅祖雲達斯，前晚直播賽事又大炒皮亞琴察4:0，咁識搶鏡頭真係抵你紅！而最有觀眾緣嘅，一定係近兩次直播都大演帽子戲法嘅廸比亞路！講番場波，我求大俠見住佢禁區內一「級」，呃到兩個後衞倒地後先射遠柱入網，幾型仔呀！加埋賽後大聲呼籲隊友唔好自滿，咁有隊長風範，仲有邊個英得過佢呀？