鄧麗欣(Stephy)昨日在黃埔舉行「元宵約會簽唱會」,宣傳新碟《DatingStephy》,吸引近500歌迷到場索簽名及玩遊戲,Stephy還即席搓湯圓應節,表現似模似樣。早前有指其親自填詞新歌《日久生情》,是憑歌寄意向方力申示愛,Stephy說:「梗係唔係,我都講過邊有咁多自己古仔呀,好搞笑。」
Stephy又謂上網看見不少歌迷逐隻字研究,解釋歌詞意思,她說:「簡直好似我肚裏面一條蟲咁,我要重申我唔係寫畀方力申,不過都好開心歌迷鍾意我哋兩個合作。」
等多12年
另外,Stephy和劉浩龍前晚於海洋公園出席「香江滙聚大滙演」活動,Stephy特別揀選王菲的歌曲《愛與痛的邊緣》獻唱,問她會否像偶像為愛情犧牲事業,她聞言說:「我得23歲,應該唔會,我想做多幾年先,如果結婚都係為咗生BB,我好鍾意小朋友,都想生豬仔同豬女,不過應該會喺下個豬年先。」
採訪:胡比、駱華齡
攝影:陳順禎