香港人毋須服兵役，城中只有童子軍沒有正規軍，因為《基本法》指明香港軍事防務由「阿爺」照起，高登討論區一名網友提出一個百無聊賴的問題，「如果香港打仗，你哋會打咩位置？」網友可能都有制服癖想穿上迷彩衣打仗，反應竟然頗熱烈，有人說想「清理死屍」、「伙頭兵」，冷眼旁觀的人有高見，直指香港最多「觀音兵」。
有人認頭扮死屍
「我做sniper仔（狙擊手）啦，香港咁多高樓。」愛放冷槍的人認為在香港打巷戰，居高臨下有着數，宮澤卻警告他，「伊拉克嘅美軍用熱像儀探測敵軍，做sniper一啲都唔易。」荷槍實彈風險高，有人寧願做「文書嗰啲」工作，天士夢指出：「文書都應該有槍傍喺身，用嚟保護重要人物。」自稱「準特首梁家傑」的網民則稱：「我的體能太差了，只可以做補給，負責運送食物。」
戰場上槍林彈雨，有些人貪生怕死都唔出奇，不少網民表示想「扮死屍」或做「逃兵」，有高人留言，表示香港人手無縛雞之力，大部份壯丁其實最適合做「觀音兵」。