上個禮拜六里昂作客贏聖伊天3:1場波，真係嚇鬼死人。話說主隊球迷睇住落後到3球嘅時候，竟然搞事擾亂比賽，搞到要暫停比賽足足20分鐘先至開番。話晒買咗里昂嘅人唔少，而且贏到3粒啲錢都袋硬咁滯，如果場波作廢搞到見財化水，真係成晚眼光光都似！其實技不如人輸波咪認命囉，做乜要咁冇體育精神要搞串個Party呢？