啱啱獲皇家馬德里教練卡比路解凍嘅卡斯辛奴，鬥心未起色心先起，上周四派人送咗500朵玫瑰畀當地一名模，不過署名淨係落“A.C”，搞到對方都唔知邊個送。事後，意大利傳媒咬定係卡斯辛奴（名字縮寫係A.C），點知佢居然冇膽認，最後阿媽問到先肯認。追女仔最緊要膽大心細面皮厚，卡斯辛奴咁怕面懵，抵你成日俾人飛嘅！